ഉച്ചഭക്ഷണ ഹാളും നവീകരിച്ച സ്റ്റാഫ് റൂമും ഉദ്ഘാടനം ചെയ്തു.

 

പട്ടിക്കാട് ഹയർസെക്കൻഡറി സ്കൂളിൽ ജില്ലാ പഞ്ചായത്ത് നിർമ്മിച്ച ഉച്ച ഭക്ഷണ ഹാളിൻ്റെയും നവീകരിച്ച സ്റ്റാഫ് റൂമിൻ്റേയും ഉദ്ഘാടനം മലപ്പുറം ജില്ല പഞ്ചായത്ത് പ്രസിഡണ്ട് എം.കെ റഫീഖ നിർവഹിച്ചു. എസ്.എസ്. എൽ. സി , പ്ലസ്ടു , എൻ. എം. എം. എസ്, യു.എസ്.എസ് ഉന്നത വിജയം നേടിയ വിദ്യാർത്ഥികളെ അനുമോദിക്കുന്ന വിജയോത്സവവും നടന്നു. 

2024- 25 വാർഷിക പദ്ധതിയിലുൾപ്പെടുത്തിയാണ് മികച്ച സൗകര്യത്തോടെയുള്ള  ഭക്ഷണ ഹാളും സ്റ്റാഫ് റൂമും സ്കൂളിന് അനുവദിച്ചത്. കിഴാറ്റൂർ ഗ്രാമ പഞ്ചായത്ത് പ്രസിഡണ്ട് ജമീല ചാലിയത്തൊടി അധ്യക്ഷത വഹിച്ചു. പ്രിൻസിപ്പാൾ മുഹമ്മദ് സമീർ സ്കൂൾ റിപ്പോർട്ട് അവതരിപ്പിച്ചു. എസ്.എം.സി ചെയർമാൻ അസീസ് പട്ടിക്കാട് , വാർഡ് മെമ്പർ ബഷീർ മാസ്റ്റർ, ബിന്ദു വടക്കേകോട്ട, നജ്‌മുദ്ദീൻ, സീമ അസീസ്, ഷീജാ ജേക്കബ്, സ്മിത, ഇല്യാസ്, നാരായണൻ കുട്ടി, വാസന്തി എന്നിവർ സംസാരിച്ചു. 

പി.ടി.എ പ്രസിഡണ്ട് സി. മുഹമ്മദ് അഷ്റഫ് സ്വാഗതവും ഹെഡ്മാസ്റ്റർ എ.കെ ലുഖ്മാൻ മാസ്റ്റർ നന്ദിയും പറഞ്ഞു.